Hooghly Haripal Rape Case : पश्चिम बंगालच्या हुगळी जिल्ह्यात १५ वर्षांच्या मुलीवर अमानुषपणे बलात्कार केल्याची धक्कादायक घटना उघडकीस आली आहे. शुक्रवारी रात्री घडलेल्या या घटनेने बंगालमधील महिलांच्या सुरक्षेचा प्रश्न ऐरणीवर आला आहे. मिळालेल्या माहितीनुसार, मुलीवर बलात्कार करून तिला बेशुद्ध अवस्थेत रस्त्याच्या कडेला फेकून देण्यात आलं. वृत्तानुसार, पीडित मुलगी ही शिकवणी वर्गावरून परत घरी जात असतांना काही नराधमांनी तिचं कारमध्ये अपहरण केलं. यानंतर तिच्यावर बलात्कार करून तिला रस्त्याच्या कडेला बेशुद्ध अवस्थेत फेकून देण्यात आलं.