एकनाथ शिंदे सरकारला बाहेरुन पाठिंबा देतील अशी देखील चर्चा सुरु होती. यातच आता एकनाथ शिंदे विरोधी पक्षात असतील अशी चर्चा सुरु आहे. अंजली दमानिया यांच्या एका ट्वीटमुळे ही चर्चा सुरु झाली आहे. विरोधी पक्षात असलेल्या मविआला विधानसभेचे विरोधी पक्षनेते पद
.
दरम्यान सत्तास्थापनेसंबंधी अनेक बातम्या समोर येत आहे. आता महायुती सरकार स्थापनेला उशीर का होतोय? या चर्चेत अजून एका विषयाची भर पडली आहे. आम आदमी पक्षाच्या माजी नेत्या अंजली दमानिया यांच्या ट्विटमुळे राजकीय वर्तुळात चर्चांना उधाण आले आहे.
नेमके दमानियांचे ट्विट काय?
अंजली दमानिया म्हणाल्या की, एकनाथ शिंदे विरोधी पक्षनेते? परवाच संध्याकाळी, आमच्या काही कार्यकर्त्यांना मी एक पत्रकार भाऊंशी झालेला संवाद सांगत होते. 4 दिवसांपूर्वी पत्रकार परिषद घेऊन भाजपला समर्थन देणारे शिंदे अचानक गावी गेले, मग ताप काय आला, मग घरी काय आले. ‘दाल मे कूछ काला है.’ ते पत्रकार मला म्हणाले की, ‘भाजपचीच रणनीती असेल की ह्यांना विरोधी पक्षात बसवावे, त्यांना हवे नको ते सगळे पुरवले जाईल आणि विरोधी पक्षनेता पण ह्यांचाच . बाकी सगळे साफ, तसेच होतांना दिसतंय, असा दावा अंजली दमानिया यांनी केला आहे.
दरम्यान अंजली दमानिया पुढे बोलताना म्हणाल्या की, शिंदे विरोधी पक्षात?, विरोधी पक्षच संपवण्याचा हा भाजपचाच का कट. सत्ता पण आमचीच आणि विरोधी पक्ष पण आमचाच. बाकी पक्ष / विरोधी पक्ष नेतातच अस्तित्वात ठेवायचे नाहीत. गावी जाणे, ताप येणे, पुन्हा घरी येणे, पुन्हा बरं न वाटणे ही भाजप ची स्क्रीप्ट असल्याचेही त्यांनी यावेळी म्हटले आहे.