महाराष्ट्राच्या मुख्यमंत्रीपदाचा तिढा सोडवण्यासाठी गुरुवारी रात्री मध्यरात्रीपर्यंत केंद्रीय गृहमंत्री अमित शहा यांच्या निवासस्थानी महायुतीच्या नेत्यांची बैठक झाली. जवळपास अडीच तास चाललेल्या या बैठकीत मंत्रिमंडळाच्या खातेवाटपावरही चर्चा झाली.
.
या बैठकीनंतर एकनाथ शिंदे म्हणाले – बैठक सकारात्मक झाली. आमची अमित शहा व जेपी नड्डा यांच्याशी चर्चा झाली. ही पहिलीच भेट होती. महायुतीची दुसरी बैठक मुंबईत होईल. त्यात मुख्यमंत्र्याच्या मुद्यावर निर्णय घेतला जाईल.
सूत्रांनी दिलेल्या माहितीनुसार, भाजपचे 2 पक्ष निरीक्षक 1 डिसेंबर रोजी मुंबईत येणार आहेत. ते विधिमंडळ पक्षाच्या बैठकीला उपस्थित राहून मुख्यमंत्र्यांच्या नावाची घोषणा करतील. तूर्त भाजप या पदासाठी मराठा नेत्यांचाही विचार करत आहे.