अवैध वाळू उपसा व वाहतूकी विरोधात पंढरपूरच्या महसूल विभागाने धडक मोहीम हाती घेतली असून शेगाव दुमाला ( तालुका पंढरपूर ) येथे भीमा नदीपात्रात महसूल पथकाने अवैध वाळू व वाहतूकीसाठी वापरण्यात येणारे तीन ट्रॅक्टर ट्रॉलीसह जप्त केले आहेत. तर शिरढोण येथे भीमा
.
पंढरपूर तालुक्यातील अवैध वाळू उपसा रोखण्यासह वाळूची अवैध वाहतूक करणार्‍यांच्या विरोधात कारवाई करण्यासाठी पथकांची नेमणूक केली आहे. त्यासाठी दररोज रात्री ८ ते सकाळी ८ वाजेपर्यंत तसेच दिवसा उत्खनन व वाहतुक होत असलेल्या विशिष्ट ठिकाणी धाडी टाकल्या जात आहेत. शेगाव दुमाला येथे दि १९ सप्टेंबर रोजी दुपारी साडे चार वाजण्याच्या सुमारास येथील भिमा नदी पात्रालगत अवैध वाळु काढण्यासाठी जात असताना तीन ट्रॅक्टर पकडून शासकीय धान्य गोदाम पंढरपूर येथे जमा केले आहेत. आणि ट्रॅक्टर मालकांविरोधात महाराष्ट्र जमीन महसुल अधिनियमातील तरतुदीनुसार दंडात्मक कारवाई करण्याची कार्यवाही सुरु आहे.
दुसर्‍या घटेनेत दि. २१ रोजी दुपारी पावणे पाच वाजण्याच्या सुमारास शिरढोण (ता. पंढरपूर) येथील नदीपात्रात अवैध वाळू उपसा करणार्‍या दोन लाकडी होड्या पकडून कटरच्या सहाय्याने कापून नष्ट करण्यात आल्या आहेत.