शिक्षण उपसंचालक संदीप सांगवेचा कोट्यवधींचा गैरव्यवहार: भाजप आमदाराने मांडली लक्ष्यवेधी, शिक्षणमंत्र्यांकडून तत्काळ निलंबनाची घोषणा – Mumbai News

.

भाजपचे आमदार संजय उपाध्याय यांनी मुंबई शिक्षण उपसंचालक संदीप सांगवे यांच्यावर गंभीर आरोप करताना म्हटले की, महापॉवरफुल अधिकारी माझे कोणी काही करू शकत नाही असे वारंवार बोलून दाखवतो. मागील तारखा टाकून लाखो रूपये उचलत शेकडो फाईल मंजूर केल्या आहेत. या अधिकाऱ्याने शासनाच्या तिजोरीचे कोट्यवधी रूपयांचे नुकसान केले आहे.

हा इतका पावरफुल अधिकारी कसा काय?

संजय उपाध्यय पुढे म्हणाले, संदीप सांगवे यांची लक्षवेधी लागली तर याचे अनेक दलाल माझ्याकडे आले. ही लक्षवेधी सभागृहात मांडूच शकणार नाही असे खुले आव्हान मला या अधिकाऱ्याने दिले होते. महापालिकेतील अधिकारी माझ्यावर रेकी करत होते. एकही आमदार माझ्या विरोधात काही करू शकणार नाही, असे वारंवार आव्हान दिले गेले. चौकशी चालू असताना या अधिकाऱ्याने सरसकट चुकीच्या मान्यता दिल्या, असा आरोपही संजय उपाध्यय यांनी केला. संदीप सांगवे हा अधिकारी 13 वर्षे एकाच खात्यात आहे. माझ्याविरोधात प्रश्न विचारू नका, तुमचे सगळे काम करून देतो अशी थेट ॲाफर करतो. हा इतका पावरफुल अधिकारी कसा काय? असा प्रश्न यावेळी संजय उपाध्यय यांनी विचारला.

रणधीर सावरकर यांचाही गौप्यस्फोट

संदीप सांगवे हा अधिकारी अख्खी विधानसभा ताब्यात घेण्यासाठी दोन-पाच कोटी घेऊन फिरतोय अशी चर्चा सुरू आहे, असा गौप्यस्फोट यावेळी आमदार रणधीर सावरकर यांनी केला.

काय म्हणाले दादा भुसे?

या प्रकरणाची चैकशी करण्यासाठी आयएस अधिकारी, आयपीएस आणि शिक्षण तज्ञ यांची एसआयटी स्थापन करुन चौकशी केली जाईल. कोणालाही पाठीशी घातले जाणार नाही. तोपर्यंत संबधित अधिकारी संदीप सांगवेला निलंबित करण्यात येत आहे, असे दादा भुसे म्हणाले.

हे ही वाचा…