Symptoms Of Enlarged Liver: यकृत हा आपल्या शरीरातील एक अतिशय महत्त्वाचा अवयव आहे. यकृत ही एकमेव गोष्ट आहे जी आपल्या शरीरातील सर्व विषारी पदार्थ काढून टाकण्यास मदत करते. त्याचबरोबर यकृताशी संबंधित कोणताही आजार झाल्यास त्या व्यक्तीला थकवा आणि अशक्तपणा जाणवू शकतो. शरीरातील टॉक्सिन्सचे प्रमाण वाढल्यामुळे इतर समस्या देखील उद्भवू शकतात. साधारणपणे यकृत खराब झाल्यावर सूज येते. हे कधीकधी कर्करोग किंवा वाढत्या चरबीमुळे होते. कधीकधी यकृताचा आकार वाढतो, हे संक्रमण किंवा दीर्घकाळ चाललेला यकृत रोग यासारख्या दुसऱ्या आजारामुळे असू शकतो.
यकृत वाढण्याचा अर्थ काय?
Cleveland Clinic नुसार, “यकृत अनेक महत्त्वाची कार्य करतं, त्यापैकी एक म्हणजे शरीरातील विषारी पदार्थ काढून टाकणे आणि रक्तातील कोलेस्टेरॉलचे योग्य नियमन करणे. जर एखाद्याचे यकृत मोठे झाले असेल, तर त्याचा अर्थ असा होतो की यकृत सूजले आहे आणि त्याच्या सामान्य आकारापेक्षा जास्त वाढला आहे. हे फक्त एक लक्षण असू शकते किंवा काहीवेळा ते रक्ताच्या गंभीर आजाराचे देखील असू शकते.”
यकृत वाढल्याची लक्षणं
यकृत मोठे झाल्यावर सहसा कोणतीही विशिष्ट लक्षणे दिसत नाहीत. तथापि, काही गंभीर प्रकरणांमध्ये, पोटाच्या उजव्या बाजूला वेदना होऊ शकतात. यकृत पोटाच्या उजव्या बाजूला स्थित आहे. त्याच्या वाढीमुळे, एखाद्याला पोटदुखी, फुगणं किंवा जडपणा जाणवू शकतो. तुम्ही डॉक्टरांकडे गेलात, तर तुमच्या पोटाला स्पर्श करूनही यकृताला सूज आली आहे की नाही समजेल. तर सामान्य व्यक्तीला यकृताला स्पर्श करुन समजणार नाही.
यकृत वाढण्याची अन्य लक्षणंही जाणवू शकतात
थकवा जाणवणं – जेव्हा यकृताचा आकार वाढतो, तेव्हा तुम्हाला थकवा जाणवू शकतो. एखाद्या व्यक्तीला थोडंसं काम करतानाही ऊर्जा कमी वाटते. व्यस्त काम करतानाही माणसाला अडचण जाणवते.
भूक न लागणं – यकृत वाढल्यामुळ, फुगणे आणि पोटात जडपणा जाणवतो. या अवस्थेत अनेकदा भूक कमी लागते आणि व्यक्तीला काहीही खावेसे वाटत नाही. परिणामी शरीरात पोषकतत्वांची कमतरता निर्माण होते. एवढंच नाही तर भूक न लागल्यामुळे व्यक्ती अन्न खात नाही, जे त्याच्या इतर आजार आणि अशक्तपणाचे प्रमुख कारण बनते.
कावीळ – एखाद्या व्यक्तीला यकृताच्या कोणत्याही प्रकारची समस्या असल्यास कावीळ होऊ शकते. कावीळ झाल्यावर त्वचा पिवळी पडते आणि डोळेही पिवळे पडतात. यकृत मोठे झाल्यास अशा प्रकारची परिस्थिती देखील उद्भवू शकते.