सोनू निगमने मोहम्मद रफींना म्हटले पक्के हिंदू: गायनात कसे धर्म बदलायचे? कळत नाही; नमाजी मुस्लीम होते आणि हिंदू भजन गायचे

गोव्यात झालेल्या 55व्या भारतीय आंतरराष्ट्रीय चित्रपट महोत्सवात सोनू निगमने दिवंगत गायक मोहम्मद रफी यांची आठवण काढली. ‘आसमान से आया फरिश्ता – ए ट्रिब्यूट टू मोहम्मद रफी- किंग ऑफ मेलॉडी’ या सत्राचे आयोजन करण्यात आले होते. या सत्रात मोहम्मद रफी यांचा गौरव करण्यात आला. यावेळी सोनू निगमने मोहम्मद रफींचे कौतुक करताना म्हटले की, ‘ते एक नमाजी व्यक्ती होते, मुस्लीम होते, तरीही ते हिंदू भजन असे गायचे, जणू एखादा हिंदूच ते गात आहे. मला कळत नाही, ते गायनात धर्म परिवर्तन कसे करायचे?

‘आवाज अडॅप्ट करण्याची गुणवत्ता त्यांच्याकडे होती’

चित्रपट महोत्सवादरम्यान सोनू निगम म्हणाला, ‘मोहम्मद रफींमध्ये प्रत्येक पिढीतील अभिनेत्यांच्या आवाजाशी जुळवून घेण्याची गुणवत्ता होती. ते ‘हम काले हैं तो क्या हुआ दिलवाले हैं’ आणि ‘सर जो तेरा चकराए या दिल डुबा जाये’ सारखी गाणीही म्हणत. दिलीप कुमार, जॉनी वॉकर, मेहमूद आणि ऋषी कपूर यांच्यासाठी त्यांचा आवाज परफेक्ट होता. सोनूने सांगितले की, रफींचा आवाज पडद्यावर वेगवेगळ्या व्यक्तिरेखांना पूरक आहे.

‘जेव्हा ते भजन म्हणायचे तेव्हा ते कट्टर हिंदू दिसत होते’

सोनू निगम पुढे म्हणाला, ‘जेव्हा ते भजन गायचे, तेव्हा खरा हिंदू गातोय असे वाटायचे. ते नमाजी मुस्लीम होते. ते गायनात धर्म परिवर्तन कसे करायचे? ही मोठी गोष्ट आहे, प्रत्येकजण हे करू शकत नाही.

‘ते ज्वालामुखी होते, जो माईकवरच फुटायचा’

सोनू निगम म्हणाला, ‘मी अनेक गायकांना ओळखतो जे सुफी गाणी उत्तम गाऊ शकतात पण भजने गाऊ शकत नाहीत. मोहम्मद रफी रमजान ते रक्षाबंधनापर्यंत गाणी म्हणायचे. ते आनंदाची गाणी, दु:खाची गाणी, अगदी वाढदिवसाची गाणी म्हणायचे. त्यांनी केले नाही असे काही नाही. ते एक ज्वालामुखी होते, जो केवळ माईकवर फुटायचा.

मोहम्मद रफी यांच्यावर चित्रपट बनणार

चित्रपट महोत्सवादरम्यान मोहम्मद रफी यांचा मुलगा शाहिद रफी याने वडील रफी यांच्या बायोपिक चित्रपटाची घोषणा केली आहे. या चित्रपटाचे दिग्दर्शन ओह माय गॉड चित्रपटाचे दिग्दर्शक उमेश शुक्ला करणार आहेत.

अनेक भाषांमध्ये 7400 हून अधिक गाणी गायली

7400 हून अधिक गाणी गायली

मोहम्मद रफी यांचा जन्म 24 डिसेंबर 1924 रोजी पंजाबमधील एका छोट्या गावात झाला होता. हिंदी व्यतिरिक्त त्यांनी पंजाबी, बंगाली, गुजराती आणि इतर अनेक भाषांमध्ये 7400 हून अधिक गाणी गायली आहेत.