गुनिजान रिसर्च आर्ट कल्चर अँड एज्युकेशन फाऊंडेशनतर्फे (ग्रेस) आयोजित गुनिजान बंदिश राष्ट्रीय स्पर्धेत महिला गटात तेजस्वीनी वेर्णेकरने तर पुरुष गटात मेहेर परळीकरने प्रथम क्रमांक पटकाविला. ही स्पर्धा प्रसिद्ध हिंदुस्थानी शास्त्रीय गायक पद्मभूषण पंडित सी. आर. व्यास यांच्या १००व्या जयंतीनिमित्त आयोजित करण्यात आली होती. स्पर्धेचा निकाल रविवारी सायंकाळी जाहीर करण्यात आला. वाराणसी (उत्तर प्रदेश) येथील तेजस्वीनी वेर्णेकर हिने महिलागटात विजय मिळवला. तर, पुण्याच्या मेहेर परळीकरने पुरुष गटात पहिले स्थान मिळवले. विजेत्या स्पर्धकांना प्रत्येकी १,२५,००० रुपयांचे पारितोषिक प्रदान करण्यात आले.