Sonali Kulkarni On Casting Couch: सध्या हेमा समितीच्या अहवालामुळे दक्षिणात्य चित्रपट सृष्टीत चांगलीच खळबळ उडाली आहे. अनेक अभिनेत्रींनी स्वतःहून पुढे येऊन आपल्या सोबत घडलेल्या घटनांचा खुलासा केला आहे. यामुळे सध्या मनोरंजन विश्वात चांगलाच गदारोळ माजला आहे. दरम्यान काही अभिनेत्रींनी आपण या सगळ्याचा कशाप्रकारे सामना केला, हे देखील सांगितले आहे. मराठीसह हिंदीतही आपल्या अभिनयाचा जलवा दाखवणाऱ्या अभिनेत्री सोनाली कुलकर्णी हिने नुकत्याच एका मुलाखतीत कास्टिंग काऊच या प्रकरणावर भाष्य केलं. यावेळी तिने आपल्यालाही अशी मागणी करणारे काही नग भेटले होते, असा खुलासा केला आहे.