विनेशकडे कोट्यवधीचे घर, ४ अलिशान कार –
विनेशने बुधवारी (११ सप्टेंबर) रोजी काँग्रेसकडून उमेदवारी अर्ज दाखल केला आहे. तिने निवडणूक प्रतिज्ञापत्रात आपल्या स्थावर आणि जंगम मालमत्तेची संपूर्ण माहिती दिली आहे.विनेशने सादर केलेल्या निवडणूक प्रतिज्ञापत्रानुसार, तिचे २०२३-२४ या आर्थिक वर्षातील एकूण उत्पन्न १३ लाख ८५ हजार १५२ रुपये आहे. तर तिचा पती सोमवीर राठीचे वार्षिक उत्पन्न ३ लाख ४४ हजार २२० रुपये आहे. विनेशकडे ३ आलिशान कार आहेत, तर तिच्या पतीकडे एक आलिशान कार आहे. निवडणूक प्रतिज्ञापत्रानुसार या वाहनांची किंमत १ कोटी २३ लाख रुपये एवढी आहे. त्याचबरोबर करोडो रुपये किमतीचे घर, बँकेत एफडी, शेअर बाजारात गुंतवणूक आहे.