Govinda Bullet Firing Case: मंगळवारी सकाळी झालेल्या एक विचित्र अपघातात प्रसिद्ध अभिनेता गोविंदा याच्या पायाला चुकून गोळी लागली. सध्या त्याची प्रकृती स्थिर आहे, आणि त्याला सामान्य वॉर्डात हलवण्यात येणार आहे, अशी माहिती त्याच्या पत्नी सुनीता आहुजा यांनी दिली. डॉक्टरांच्या मते, गोविंदाला दोन ते तीन दिवसांत घरी जाण्याची परवानगी मिळण्याची शक्यता आहे. पण, गोविंदाला किमान ३-४ आठवड्यांची विश्रांती घेणे आवश्यक असल्याचेही डॉक्टरांनी म्हटले आहे. या घटनेनंतर पोलिसांनी गोविंदाच्या कुटुंबीयांची चौकशी करण्यास सुरुवात केली आहे. विशेषतः, गोविंदाची मुलगी टीना हिचा जबाब नोंदवण्यात आला आहे. तथापि, गोविंदाच्या सुरुवातीच्या वक्तव्यावर पोलीसांचे समाधान झालेले नाही. पोलिसांच्या मते, रिव्हॉल्व्हर जमिनीवर पडल्यावर गोळीबार कसा काय झाला? हा एक मोठा प्रश्न आहे.