विवेकचा नाव न घेता सलमानवर निशाणा: शाहरुखची स्तुती करताना म्हणाला- अनेकांकडे फेम आणि पॉवर असते, पण तुम्ही त्याचा योग्य वापर केला

नुकत्याच आयोजित करण्यात आलेल्या IIFA अवॉर्ड्स 2024 मधील अनेक व्हिडिओ चर्चेत आहेत. यादरम्यान विवेक ओबेरॉयचा एक व्हिडिओही व्हायरल होत आहे, ज्यामध्ये तो शाहरुख खानचे कौतुक करताना दिसत आहे. मात्र, मंचावर दिलेल्या त्याच्या वक्तव्याचा सलमान खानशी संबंध जोडला जात आहे. विवेकने सलमानचे नाव न घेता त्याच्यावर निशाणा साधल्याचे चाहत्यांचे मत आहे.

व्हायरल होत असलेल्या व्हिडिओमध्ये विवेक ओबेरॉय शाहरुख खानसोबत स्टेजवर दिसत आहे. यादरम्यान शाहरुखची स्तुती करताना विवेक म्हणाला, हा माणूस, मी खरं सांगतोय, तो फक्त ऑन-स्क्रीनचा किंग नाही तर तो ऑफ-स्क्रीनही हार्ट ऑफ किंग आहे. बऱ्याच लोकांकडे फेम आणि पॉवर असते, परंतु तुमच्याबद्दलची सर्वात खास गोष्ट म्हणजे तुम्ही तुमची पॉवर लोकांना पुढे नेण्यासाठी वापरली आहे.

विवेकचे कौतुक ऐकून शाहरुख खान भावुक होऊन म्हणाला, जर तू आणखी बोलत राहिलास तर हा पुरस्कार मी स्वतःकडे ठेवेन. हा व्हिडिओ समोर आल्यापासून विवेकने कोणाचेही नाव न घेता सलमान खानवर निशाणा साधल्याचे सोशल मीडिया यूजर्सचे मत आहे. कारण विवेकने अनेकवेळा दावा केला आहे की सलमान खानने आपल्या पॉवरचा वापर करून त्याला अनेक चित्रपटांमधून काढून टाकले होते, ज्यामुळे त्याचे करिअर उद्ध्वस्त झाले आहे.

एकेकाळी सलमान खानसोबत ब्रेकअप झाल्यानंतर ऐश्वर्या रायचे नाव विवेक ओबेरॉयशी जोडले गेले होते. यावेळी विवेकने पत्रकार परिषदेत सांगितले होते की, सलमान त्याला सतत धमक्या देत होता.

शाहरुख खान आणि करण जोहर यांनी होस्ट केलेल्या अबू धाबी येथे 27 ते 29 सप्टेंबरदरम्यान IIFA अवॉर्ड्स 2024 चे आयोजन करण्यात आले आहे. या काळात ज्येष्ठ अभिनेत्री रेखा, जान्हवी कपूर, क्रिती सेनन, वरुण धवन, अनन्या पांडे, नोरा फतेही यांच्यासह अनेक सेलिब्रिटींनी परफॉर्मन्स दिला आहे.