लाकडी दांडके आणि शस्त्राच्या आधारे ऑटोमोबाईल आणि वाशिंग सेंटर लुटणार्‍या तीन जणांना चतुश्रृंगी पोलिसांनी अटक केली आहे. तर आरोपीच्या पाच अल्पवयीन साथिदारांना ताब्यात घेण्यात आले आहे.
.
अलीम सय्यद (वय १९), देवा शिरोळे (वय २०), मोहन अडागळे (वय १९) अशी अटक करण्यात आलेल्या आरोपींची नावे आहेत. याप्रकरणी सिंद्धेश्‍वर दिगंबर ढेरे (वय ३४, रा. पाटील वस्ती, बालेवाडी) यांनी तक्रार दाखल केली आहे.
पोलिसांनी दिलेल्या माहिती नुसार, तक्रादार ढेरे यांचे प्रथमेश पार्क सोसायटी बालेवाडी समोर रविराज ऍटोमोबाईल ऍन्ड वाशिंग सेंटर आहे. शुक्रवारी (दि. २०) सायंकाळी साडे पाचच्या सुमार अली सय्यद आणि त्याच्या साथिदारांनी लाकडी दांडके आणि धारधार हत्याराचा धाक दाखवून तक्रारदार आणि त्यांच्या ४ मित्राकडून ४९ हजार रोख रक्कम आणि २० हजार किंमतीचा एक मोबाईला घेऊन गेले होते. याबाबत तक्रारदार यांनी पोलिस नियंत्रण कक्षाला फोन करुन घटनेची माहिती दिली होती. चतुश्रृंगी पोलिसांनी मिळालेल्या माहितीच्या आधारे पिंपळे गुरव येथे सापळा रचुन आरोपींना ताब्यात घेतले.
ही कारवाई वरिष्ठ पोलिस निरीक्षक महेश बोळकोटगी, पोलिस निरीक्षक युवराज नांद्रे, विजयानंद पाटील, पोलिस उपनिरीक्षक प्रविल चौगुले, पोलिस अंमलदार वाघेले, मोमीन, दुशिंग, तांदळे, दांगडे आदीच्या पथकाने केली.
टेम्पो चालकाने सायकलस्वार जेष्ठाला उडविले
भरधाव टेम्पो चालकाने दिलेल्या धडकेत सायकलस्वार जेष्ठ नागरिक ठार झाल्याची घटना तुळापूर ते फुलगाव रस्त्यावरील वढू खुर्द परिसरात घडला आहे. याप्रकरणी टेम्पो चालकाविरूद्ध लोणीकंद पोलिसांनी गुन्हा दाखल केला आहे. लक्ष्मण मुंजाजी काळे (वय ७२, रा. फुलगाव, हवेली) असे ठार झालेल्या जेष्ठाचे नाव आहे. याप्रकरणी मराबाबा काळे (वय ३३) यांनी फिर्याद दाखल केली आहे.