नागपूरहून अमरावतीकडे येणाऱ्या भरधाव एसटी बसने दुचाकीला दिलेल्या धडकेत एक महिला ठार तर अन्य दोघे जखमी झाल्याची घटना आज, सोमवार, ७ जुलै रोजी दुपारी दीड वाजताच्या दरम्यान पिंपळविहीर या गावाजवळ घडली .विजया राजेश पवार (२८) रा. शेंदोळा असे ठार झालेल्या महि
.
पोलिसांनी दिलेल्या माहितीनुसार,राजेश पवार व त्यांची पत्नी विजया हे दोघेही शेंदोळा फाट्यावरून अमरावतीकडे येत होते. शेंदोळा येथे दुचाकी क्रमांक एम.एच.२७ पी.क्यू ०२०३ या दुचाकी चालकाला थांबवून त्यांनी अमरावती पर्यंत लिफ्ट मागितली. दुचाकी चालक शेख मुख्तार मोहम्मद शमीम याने दुचाकीवर दोघांना बसवून घेतले आणि तिघेही अमरावतीकडे निघाले.
प्रवासादरम्यान पिंपळविहीरजवळ मागून येणाऱ्या चिमूर अमरावती बस क्र. एम.एच.४०,सी एम.४४१८ ने दुचाकीला धडक दिली. या अपघातात मागे बसलेली महिला गंभीर जखमी झाली तर महिलेचा पती राजेश व दुचाकी चालक शेख मुख्तार मोहम्मद शमीम हे जखमी झाले. घटनेची माहिती मिळताच नांदगाव पेठचे पोलिस निरीक्षक दिनेश दहातोंडे व त्यांच्या सहकाऱ्यांनी तात्काळ घटनास्थळी धाव घेतली. तिघांनाही अमरावती जिल्हा सामान्य रुग्णालयात दाखल करण्यात आले, मात्र उपचारापूर्वीच विजया पवार यांचा मृत्यू झाल्याचे डॉक्टरांनी घोषित केले. नांदगाव पेठ पोलिसांनी घटनेची नोंद घेतली असून पुढील तपास सुरू आहे.