मिलिंद आंडे, झी मीडिया
Wardha Girl Suicide: एकीकडे मोफत शिक्षणाचा गाजावाजा केला जातं आहे तर दुसरीकडे आर्थिक अडचणीमुळे वडिलांनी बारावीसाठी प्रवेश घेऊ न दिल्याने विद्यार्थिनीने गळफास घेऊन आत्महत्या केलीय. ही घटना पुलगाव पोलीस स्टेशन अंतर्गत येणाऱ्या लोणसावळी गावात घडली असून सोनिया वासुदेव उईके(वय 17 वर्ष) असं मृत विद्यार्थिनीचे नाव आहे.या घटनेमुळे सर्वत्र लोणसावळी गावात खळबळ उडाली आहे.
वर्धा तालुक्यातील लोणसावळी येथे वासुदेव उईके हे आपल्या पत्नी, मुलगा आणी मुलगी सोबत राहतात.वासुदेव हे शेतमजूरीचे काम करून आपली उपजीविका चालवतात तर त्यांचा मुलगा सुद्धा बाहेर कामावर जातो.वासुदेव यांची सतरा वर्षीय मुलगी सोनिया हि वर्धेच्या न्यू इंग्लिश या महाविद्यालयात कॉमर्स विभागात शिकत होती व ती वर्धेतील आदिवासी शासकीय वसतिगृहात राहत होती.सोनियाचे अकरावीचे अभ्यासक्रम एप्रिल महिन्यात पूर्ण झाल्याने ती गावांत वडिलांकडे आली होती.सोबतच सण असताना सुद्धा ती घरी यायची. एप्रिल महिन्यापासून नवीन शैक्षणिक वर्ष सुरू न झाल्याने ती घरीच होती. यावर्षी ती बारावीत गेल्याने व शाळा सुरु झाल्याने वडिलांना वारंवार शाळेत प्रवेश प्रक्रिया पूर्ण करण्याचा आग्रह करत होती.वडील आर्थिक अडचणीत असल्याने ते तू काही दिवस होस्टलमध्ये राहा पैश्याची व्यवस्था करून प्रवेश करतो असं सांगत होते. मात्र अश्यातच आई, वडील व भाऊ कामावर गेल्याने घरी कोणीच नसल्याची संधी साधतं तिने पैश्या अभावी अद्याप प्रवेश न झाल्याने हाताश होऊन घरातील बाथरूमच्या टिनच्या अँगलला दोरीने गळफास लावून आत्महत्या केली आहे.
वडील कामावरून परतल्यावर घरातील समोरचे दार उघडे दिसले. वडिलांनी पाहणी केली असता घरात कोणी दिसलें नाहीय. तेवढ्यात मुलगा सुद्धा कामावरून आला आणि घरातील मधले दार लावलेले असल्याचे पाहिले. मुलाने घराच्या मागील बाजूने जाऊन पहले असता बाथरूममध्ये मुलगी ही गळफास घेतलेल्या अवस्थेत आढळून आलीय.लागलीच घटनेची माहिती पोलिसांना देण्यात आलीय.पोलिसांनी आकास्मिक मृत्युंची नोंद केली असून पुलगाव पोलीस तपास करत आहे. आत्महत्या करणाऱ्या सोनिया उईकेची हालकीची परिस्थिती होतीय.वडिलांना काम नसल्याने एका आठवड्यात प्रवेशासाठी पैसे देतो, असं अश्वासन त्यांनी दिलं होतं. मात्र सोनिया अभ्यासक्रम बुडेल यामुळं नैराश्यात होती. त्यातूनच तिने आत्महत्या केली आहे.पैशाअभावी आत्महत्या करावी लागत असल्याचे पाहून परिसरात एकच खळबळ उडाली आहे.