शिवसेना (उद्धव बाळासाहेब ठाकरे) पक्षाचे खासदार संजय राऊत (sanjay raut) यांनी उद्धव आणि राज ठाकरे यांचा एकत्रित फोटो शेअर करत कार्यकर्त्यांना खुशखबर दिली. हिंदीसक्तीच्या विरोधात ठाकरे बंधू एकत्र आणि एकच मोर्चा काढणार असल्याची घोषणा राऊत यांनी केली. त्यामुळे ठाकरेसेना आणि मनसे यांची युती निश्चित मानली जात आहे.
अशातच उपमुख्यमंत्री अजित पवार यांच्या नेतृत्वातील राष्ट्रवादी काँग्रेसचे विधान परिषद आमदार अमोल मिटकरी यांनी मोठं वक्तव्य केलं आहे. ठाकरे बंधूंच्या मोर्चाला हजर राहण्याची तयारी मिटकरींनी दर्शवली.
मराठी भाषेच्या संदर्भात आणि महाराष्ट्राच्या (maharashtra) अस्मितेसंदर्भात दोन्ही नेते एकत्र येऊन मोर्चा काढत असतील, तर त्याचा एक चांगला परिणाम दिसून येईल, असं मला वाटतं.
शेवटी मराठी आपली भाषा आहे, आपली अस्मिता आहे. दोघांनीही पक्षविरहित मोर्चा काढण्यासाठी एकत्र येऊन हा निर्णय घेतला असेल, तर त्या निर्णयाचं मी स्वागत करतो, असं अमोल मिटकरी (amol mitkari) म्हणाले.
पाच किंवा सहा तारखेला ठाकरे बंधूंचा मोर्चा ठरत आहे. जर त्या दिवशी विधिमंडळाचं कामकाज नसेल, तर मी त्या दिवशी मोर्चामध्ये सहभागी होईन, असं अमोल मिटकरी यांनी ‘एबीपी माझा’ला दिलेल्या मुलाखतीत स्पष्ट केलं.
पुढील शनिवार, पाच जुलै रोजी हिंदी भाषेच्या सक्तीविरोधात ठाकरे बंधूंचा एकत्रित मोर्चा निघणार आहे. याची वेळ आणि ठिकाण हे दोन्ही पक्षांचे नेते एकत्र बसून ठरवणार आहेत.
गेल्या अनेक दिवसांपासून राज ठाकरे आणि उद्धव ठाकरे एकत्र येणार असल्याच्या चर्चेला उधाण आले आहे. त्यातच राज ठाकरे (raj thackeray) यांनी जाहीर केलेल्या 5 जुलैच्या आंदोलनात सर्व राजकीय पक्षांना सहभागी होण्याचे आवाहन केले आहे.
यात उद्धव ठाकरेंना बोलवणार का? असे विचारले असता याबाबत राज ठाकरे म्हणाले की, महाराष्ट्रातील राजकीय पक्षांत तेही आलेच ना असा प्रतिप्रश्न करत, त्यांच्याशीही मी बोलणार आहे. माझी माणसे त्यांच्या माणसांशी बोलतील. मी आधीच स्पष्ट केले होते, की कोणत्याही वादापेक्षा महाराष्ट्र मोठा आहे. हे माझे पहिले वाक्य होते ते तुम्हाला येत्या 5 तारखेला कळेल असेही ते म्हणाले होते.
हेही वाचा