मुंबईत (mumbai) घर खरेदी करण्याची अनेक लोकांची इच्छा असते, परंतु महागाईमुळे घरं विकत घेणं सर्वसामान्यांच्या आवाक्याच्या बाहेर आहे. अलिकडच्या आकडेवारीवरून असे दिसून आले आहे की मुंबईत घर खरेदी करण्यासाठी, सर्वाधिक 5% उत्पन्न असलेल्या लोकांना 109 वर्षे बचत करावी लागेल तसेच त्यांच्या कमाईच्या 30% रक्कम बाजूला ठेवाव्या लागतील.
राष्ट्रीय गृहनिर्माण मंडळाने (NHB) उघड केले आहे की महाराष्ट्रातील उच्च वर्गातील कुटुंबांनाही मुंबईत घर खरेदी करण्यासाठी शतकभर बचत करावी लागेल. कारण मुंबई ही भारतातील सर्वात महागडी रिअल इस्टेट (real estate) आहे.
मुंबईत सरासरी प्रति चौरस फूट 26,975 रुपये आहे. ही किंमत दुबईच्या रिअल इस्टेटच्या बरोबरीची आहे. दुबईत मागील वर्षी जमिनीची किंमत प्रति चौरस फूट 27,884 रुपये होती.
महाराष्ट्रातील (maharashtra) शहरी भागातील उच्च वर्गातील 5% कुटुंबांचे मासिक दरडोई उत्पन्न 22,352 रुपये आहे, जे चार जणांच्या कुटुंबासाठी वार्षिक 10.7 लाख रुपये उत्पन्नाइतके आहे.
30.2% बचत दरासह, ही कुटुंबे दरवर्षी सुमारे 3.2 लाख रुपये बाजूला ठेवतात. टीओआयच्या अहवालानुसार, मार्च 2025 पर्यंत, 645 चौरस फूट ते 1,184 चौरस फूट कार्पेट एरिया असलेल्या मालमत्तांची किंमत 29,911 रुपये प्रति चौरस फूट असेल.
परिणामी, मुंबईत 1,184 चौरस फूट घराची किंमत 3.5 कोटी रुपयांपेक्षा जास्त आहे. ज्यामुळे सर्वात श्रीमंत कुटुंबांना ते परवडण्यासाठी 109 वर्षे बचत करावी लागेल. हरियाणा आणि गुरुग्राममध्ये, सर्वात श्रीमंत कुटुंबांना घरांसाठी 50 वर्षांपेक्षा जास्त बचतीची आवश्यकता असेल.
चंदीगड हे सर्वात स्वस्त शहर आहे, जिथे घर खरेदी करण्यासाठी सुमारे 15 वर्षांची बचत करावी लागते. महाराष्ट्रात, शहरी कुटुंबांपैकी वरच्या 5% कुटुंबांना एका मोठ्या अडचणीचा सामना करावा लागतो, मुंबईत घरांसाठी पुरेशी बचत करण्यासाठी शंभर वर्षांपेक्षा जास्त काळ लागतो.
गुडगाव आणि भुवनेश्वर सारखी शहरात देखील बचतीचा कालावधी 50 वर्षांपेक्षा जास्त आहे. 21 राज्यांच्या राजधान्यांपैकी 10 राजधानीमध्ये 30 वर्षांपेक्षा जास्त बचतीची आवश्यकता असते. तसेच चंदीगड आणि जयपूरला मालमत्ता खरेदी करण्यासाठी अनुक्रमे 15 आणि 20 वर्षांपेक्षा कमी वेळ लागतो.
हेही वाचा